هوږه (سیر) دبدن ددفاعي سیستم (ایمیون سیستم)
دتقویې عالي خواړه
واحد مشواني
فریمانټ ، کلیفورنیاد اپریل ۶ ، ۲۰۲۰
څيړنو ډيره ښه په ډاګه کړې چی هوږه (سیر) دبدن ددفاعي
سیستم دپياوړتیا اغیزناک توکي لري . که دچا دوینې فشار په عادي
حالت کی وي او هوږه
هم خوري نو په همدغه کچ یی ساتي . دغه رنګه د وینې کولیسترول هم په صحتمند حالت کی
ساتي .
بله مهمه دنده چی تازه هوږه یی په بدن کی سرته رسوي هغه
دبدن د زهري موادو صفایي ده . هوږه غښتلي انتای اکسیدنت لري . له ډيرپخوا څخه هوږه
دزړه دروغتیا لپاره کاریده خونوې څيړنې ښئي چی ددې بوټي اغیزمنتیا پدی کی هم ده چی
دبدن ددفاعي سیستم عکس العمل اوفعالیت باوري ساتي .
تاسو ته به څرګنده وي چی د بدن دفاعي سیستم (ایمیون
سیستم ) د څوکیدار دنده سرته رسوي اودوینې له سپينو کورویاتو جوړ دی . کله چی په
بدن خاریجي جنسیتونه چی (فري راډیکالس) ورته وایي په بدن حمله وکړي ، دوینې سپين
کرویات یی مخه نیسي اولمنځه یی وړي .
دبدن دفاعي سیستم خورا حیاتي اومهم سیستم دی چی د
وایرسونو اوباکتریاو په خلاف فعالیت کوي اوکله چی دغه سیستم کمزوری اویا پکی خلل پيداشي
، د وایرسونو او باکتریاو پرخلاف فعالیت نشي کؤلای او انسان دمختلفو ناروغیو سره
مخ کیږي .
د بیلګې په توګه
، کمپيلوباکتر د کولمو یو عام ډؤل باکتریاده چی د کولمو د تکلیف باعث ګرځي . د
انتي مایکروبئیل کیموترافي په ژورنال کی خپره شوې څيړنې څيړنې موندلې چی هوږه د
کمپيلوباکتر باکتیریم پرخلاف ډيره اغیزمنه وه .
په یوه بله تجربه کی څرګنده شوې چی د هوږې (سیر) څخه کښل
شوې ماده بدن اماده کوي چی د وایرسونو پرخلاف عمل وکړي . دغه رنګه درنځونو په
مخنیوي کی او له ځينو ناروغیوڅخه په چټکۍ رغیدلوکی هوږه د توجه وړ رول لوبوي .
تازه هوږه د (الیین) په نوم یوه ماده لري چی کله وژوؤل
شي نو په (الیسن) بدل شي . په هوږه کی داهغه فعاله ماده ده چی طیبي مالیکیتونه لري
لکه په بدن کی د وینې دسپينو کورویاتو (دوینې سپين حجرات ) تقویه کوي چی د
مایکروبونو پرخلاف فعالیت وکړي.
د قلبي امراضودتداوي لپاره هوږه ښایي ځکه استعمال شوي وي
چی دا حیرانوونکی بوټی د وینې د کولیسترولو اندازه بهتروي اود زړه دحملې په مخنیوي
کی مرستندویه کیږي .
یکشنبه
د 2020 د اپريل 6
No comments:
Post a Comment
قدرمنولوستونکواومینه والو
مونږستاسوګټورولارښوونو، لیکنو، نیوکو ، پوښتنواوغوښتنوته هرکلې وایوو